ശശികലയെ നിങ്ങള്‍ അറിയുമോ ?അറിയാതിരിക്കാന്‍ വഴിയില്ല. അവള്‍ എന്റെ ഏറ്റവും അടുത്ത കൂട്ടുകാരിയണെങ്കില്‍ പോലും. ഇന്നലെ അവള്‍ എന്റെ അഥിതിയായിരുന്നു. ഒരു പക്ഷെ മൂന്നോ നലോ ദിവസം കൂടി അവള്‍ എന്റെ അടുക്കല്‍ തന്നെ ഉണ്ടാകും .മണ്ണുത്തിയില്‍ നിന്നും ബസ്സില്‍ കയരുമ്പോള്‍ ഒരു സൂചന പോലും തന്നിരുന്നില്ല. ബൈപാസ്സ് വഴി പൊകുന്ന ബസ്സില്‍ കയറി മരത്താകര വഴിയില്‍ ഇറങ്ങിയപ്പോഴാണ് ഞാനും തന്റെ വീട്ടിലേക്കു വരുന്നുന്ദെന്നു പറഞതു. തൊട്ടടുത്ത കടയില്‍ കയറി കോയിന്‍ ബൊക്സില്‍ നിന്നും വീട്ടിലേക്ക് വിളിചു പറഞു. അവള്‍ക്കു ഒരു പാഡ് വാങങണം .
വീട്ടിലെത്തിയപ്പോഴാണ് ഞാന്‍ ചൊദിച്ചത് എന്താ പതിവില്ലാതെ ?വല്ല കുഴപ്പവും.?
എയ് ഒന്നുമില്ല. ഞാന്‍ പുറത്തായിരിക്കുകയാണെടി.
വീട്ടില്‍ നിന്നു പുറത്താക്കിയോ ?
അങ്ങനെയും പറ്യാം .എന്റെ അനിയന്‍ മാലയിട്ടിരിക്കുകയാണ്. അതു കൊണ്ട് പിരീഡായ പെണ്ണുങ്ങള്‍ വീട്ടില്‍ നില്‍ക്കാന്‍ പാടില്ല.
അമ്മക്ക് പുറത്തായ ദിവസങ്ങളില്‍ മാമന്രെ വീട്ടില്‍ പോയി നിക്കും. അതു തൊട്ടടുത്താണ് എന്നാലും എനിക്കതിഷ്ടമല്ല. മാമന്രെ മോന്‍ താപ്പ് കിട്ടിയാല്‍ ഉപദ്രവിക്കും. അത്കൊണ്ട് ഞാന്‍ അവിടെ നില്‍ക്കാറില്ല.
അനിയന്‍ മാല ഊരാന്‍ മലക്കു പോയി വരണം. മിക്കവാറും അതിനു മുന്‍പ് ഒരിക്കല്‍ കൂടി ശശികല എന്റെ വീട്ടില്‍ വരും.
പെണ്ണിന്രെ ആര്‍ത്തവകാലം അശുദ്ധമാണെന്ന് വിധിക്കുന്ന ഈ കാടന്‍ നീതിയില്‍ നിന്ന് ഒരു മാറ്റമുണ്ടാകുമോ ?
ആര്‍ത്തവകാലത്ത് ലൈംഗിക ബന്ധം അസാധ്യമായതിനാല്‍ മറ്റൊരു വിവാഹം സാധുവാണെന്നു കന്തപുരം മുസ്ല്യാരും പറഞ്ഞിട്ടുണ്ടത്രെ. ഇതെന്താ റിസര്‍വ്ഡ് കോച്ചോ ?രണ്ട് ഭാര്യമാര്‍ക്കും ഒരേ സമയത്താണ് പിരീഡ് തുടങ്ങുന്നതെങ്കില്‍ (അങ്ങനെയും വരാമല്ലോ) മൂന്നാമതും .പിന്നെ നാലാമതും...
അറിയും നിങ്ങളറിയും . ശശികലയെ നിങ്ങള്‍ അറിയും.
Saturday, November 8, 2008
Subscribe to:
Posts (Atom)
